Kunweka Kwa Bina Malaŵi pa Mauthenga Gha Vyanyengo Kukukula pa Intaneti

Banthu banandi sono mbakunweka ndipo bamba kulondezga mawuthenga gha vyanyengo kwizila mu nthowa zakuchezgerapo za intaneti (za sono). Ivi vyawonekela pakweru pakuona chiberengero chikulu cha bina Malawi abo wakulondezga mawuthenga gha vyanyengo kwizila pa nthowa zakuchezgera za sono za WhatsApp kweniso za Facebook na zinyakhe. Mwachiyerezgero pa nthowa ya Facebook ya munthavi wakuona vyakusintha kwa Nyengo iyo yikumanyikwa kuti Department of Climate Change and Meteorological Services sono yili na banthu wakujumpha vikwi makhumi ghankhonde ( 50, 000) abo bakulilondezga. Ndipo nthowa ya WhatsApp ya munthavi uwu, yiri na banthu bakulilondezga bakujumpha vikwi khumi na vinkhonde ( 15,000).

Nkhani iyi yiziska chimwemwe chikulu pakati pa nkhwantha za kuwona vya nyengo ku munthavi uwu. Chimwemwe ichi chiza pakumanya kuti sono banthu banandi bapokerenge mawuthenga gha vyanyengo nga ghakukhwafyana na banamondwe, mphepo ya Mwera kweniso gha vula munyengo yakhe.

Munthavi wakuwona vyanyengo na Kusintha kwa Nyengo ukugwiriska ntchito nthowa zakuchezgerapo nga ni WhatsApp, Facebook, X , YouTube na ghanyake ghanandi nga nthowa yimoza yakuwandiskira mawuthenga gha vya nyengo. Munthavi uwu ukuchita ivi na chakulata chakovwira pakuthaska mawumoyo, kulutiska panthazi chuma cha charo chino kweniso kuthaska katundu.